Lúxuseinbýli með stórum garði Las Colinas Golf

Glæsilegt lúxuseinbýli í hinni einstöku byggð Las Colinas Golf, Orihuela Costa. Fyrsta flokks byggð á hæðunum við Campoamor og ein mesta náttúrufegurð sem finna má á Orihuela Costa, á Costa Blanca Sur. Byggðin er í 330 hektara dal, umkringd miðjarðarhafsskógi og náttúruverndarsvæðum, með miklu úrvali göngu- og hjólaleiða, að ógleymdum frábærum 18 holu golfvellinum. Við hafið og 200.000 m² náttúrusvæði með fögrum gönguleiðum um spænskt gróðurlendi og sítrónu- og appelsínuakra, fullkominn staður til að gleyma sér og njóta. Þar er að finna þjónustu á staðnum, litla verslun, hinn stórkostlega Casa Club, leikfimisal, kaffihús, veitingastaði og jafnvel fálkatamningaklúbb. Úrval þjónustu er að finna í nærliggjandi þorpum, Pilar de la Horadada og Orihuela Costa, sem og verslunarkjarnann Zenia Boulevard, sem er í einungis 10 mínútna akstursfjarlægð. Einnig fylgir aðgangur að Beach Club, sem er eingöngu fyrir íbúa byggðarinnar, í einungis 5 mínútna fjarlægð. Byggðin er mjög vel tengd vegakerfinu svo auðvelt er að komast að vinsælustu ferðamannastöðunum, eins og Orihuela Costa á 10 mínútum, San Pedro del Pinatar á 25 mínútum og til Torrevieja á 30 mínútum. Auk þess eru flugvellirnir í Murcia og Alicante í aðeins 40 og 45 mínútna fjarlægð.

Í boði er einstakt einbýli með nútímalegri hönnun, í suðurátt, svo sólarljósið er nýtt til hins ýtrasta með stórum gluggum sem veita birtu í öllum herbergjum. Einbýlið er 1.544 m², á tveimur hæðum, með 4 svefnherbergjum og 4 baðherbergjum. Á efri hæð er eitt stórt opið rými sem samanstendur af stofu, borðstofu og eldhúsi, þaðan sem útgengt er út á stóra verönd með sundlaug og dásamlegu útsýni. Á hæðinni er einnig svefnherbergi með baðherbergi, þvottahúsi og gestasalerni. Þegar gengið er niður stigann eða að utan frá veröndinni er gengið inn á jarðhæðina þar sem hin þrjú svefnherbergin eru, öll mjög stór, með baðherbergi og aðgangi að garði. Á sömu hæð er einnig geymsla og herbergi fyrir lagnir. Eigninni fylgir tvö bílastæði.